Milladoiro e Cuarteto Caramuxo, grupo gañador do concurso Festival Folk Cancioneiros da Fundación Pedro Barrié de la Maza, compartirán escenario hoxe, con motivo do Día das Letras Galegas, na Coruña, co obxectivo de divulgar o patrimonio da música popular galega.

Como gañador do Festival Folk Cancioneiros, Cuarteto Caramuxo obtivo un premio consistente en 6.011 euros, a gravación dun disco editado pola Fundación Barrié e a participación neste concerto final.

A Fundación Pedro Barrié de la Maza celebrou o concurso Festival Folk Cancioneiros "co fin de divulgar o patrimonio da música popular galega e de fomentar entre os grupos folk afeccionados o interese polo repertorio de cancioneiros" como o Cancioneiro galego, de Torner e Bal e Gay, e o Cancioneiro musical de Galiza, de Casto Sampedro e Folgar, recentemente reeditados pola Fundación.

Comentarios (0)

Escribir comentario

Nome

Comentario

Novo Comentario

Compartir: