MundoGaliza

Para a central resulta inadmisíbel, despois do apoio demostrado polo profesorado á folga e ás concentracións convocadas, demandando a retirada dunha circular que non foi negociada na Mesa Sectorial, que implica un retroceso significativo na calidade do ensino dos idiomas e empeora as condicións de traballo do profesorado, que a Consellaría segue sen atender as lexítimas demandas dos traballadores das EEOOII e por toda resposta difunde mentiras sobre o desenvolvemento do seu traballo.

Por esta razóns, as organizacións sindicais, CIG-Ensino, CCOO-Ensino, FETE-UGT, ANPE-Galicia e STEG acordaron levar a cabo as seguintes accións:

1.- Dirixir un escrito a Educación solicitando unha entrevista co Conselleiro para que atenda a demanda de retirada da circular e inicie as negociacións sobre as EEOOII, tendo en conta o amplísimo seguimento da folga e para buscar unha saída ao conflito.

2.- Solicitar unha entrevista cos grupos parlamentares para trasladarlles as reivindicacións das organizacións sindicais.

3.- Emitir resolucións das Xuntas de Persoal reclamando a retirada da circular e o inicio de negociacións sobre as EEOOII.

4.- Convocar unha asemblea de todo o profesorado das EEOOII, o martes 22 de setembro, ás 11:30, no IES de Fontiñas, Santiago de Compostela (rúa Estocolmo nº 5), asemblea en que se valorarán as accións realizadas, a situación actual e as posíbeis medidas a levar a cabo para acadar unha solución.

As organizacións sindicais agardan que Educación asuma a súa responsabilidade e retire a circular, sentándose a negociar cos representantes do profesorado.